المقاومة الإسلامية - لبنان
الموقع الرسمي
قداس بدعوة من "التيار الحر" في كنيسة مار مخايل رفضاً للعودة إلى الحرب.. مخلوف: مخطط شرير لاعادة الانقسام وشحن النفوس
اقيم قداس بدعوة من هيئة الشياح في "التيار الوطني الحر" في كنيسة مار مخايل الشياح بعنوان " بعيدا عن رفض العودة لايام الحرب الاهلية وايمانا ببقاء كنيسة مار مخايل رمزا للوحدة والتعايش"، حضره: النائب علي حسن خليل ممثلا رئيس مجلس النواب الاستاذ نبيه بري، الوزير المستقيل فوزي صلوخ. وفد من حزب الله ضم الحاج محمود قماطي وغالب ابو زينب، النواب: ابراهيم كنعان ممثلا العماد ميشال عون، الدكتور ايوب حميد، غازي زعيتر، علي عمار، بيار دكاش، نبيل نقولا، عباس هاشم، هاغوب بقرادونيان وشامل موزايا ، الوزير السابق اللواء الركن عصام ابو جمرة، النائب السابق مروان ابو فاضل، عن المجلس الاسلامي الشيعي الاعلى المفتي الجعفري الشيخ محمد غالب عسيلي على رأس وفد ضم : نزيه جمول الحاج، عبد الحليم قبلان ومحمد قانصوه، ممثل آية الله السيد محمد حسين فضل الله الشيخ حسن بشير، السيدة جينا حبيقة رئيسة حزب "وعد"، عضو الهيئة التنفيذية لحركة "أمل" الحاج طلال حاطوم ممثلا قيادة الحركة، نائب رئيس الحزب الديموقراطي اللبناني زياد شويري، رئيس حزب التضامن اميل رحمة، رئيس اتحاد بلديات الضاحية الجنوبية محمد سعيد الخنسا، رؤساء بلديات: الشياح ادمون غاريوس، الحدث انطوان كرم، فرن الشباك ريمون سمعان، الحازمية جان الاسمر، كفرشيما انطوان راضي، بعبدا انطوان خوري حلو، برج البراجنة محمد الحركة، حارة حريك سمير دكاش، المريجة - الغدير - الليلكي سمير ابو خليل مسعود متى، ومخاتير الضاحية الجنوبية وساحل المتن الاعلى والجنوب وقضاء بعبدا وممثلو الاحزاب وقوى المعارضة وشخصيات سياسية واجتماعية وتربوية وجمعيات اهلية وحشد من المواطنين .
الاب مخلوف
ترأس القداس راعي ابرشية كنيسة مار مخايل الخوري سليم مخلوف الذي القى كلمة بالعامية قال فيها: "جرت العادة انو بمثل هذا الاحد يلي منسمي كنسيا احد مدخل الصوم انو نحكي عن معنى الصوم والرماد والتقشف والزهد والتخلي عن امور الدنيا ، والتوبة والمصالحة حتى نستعد للحدث الاهم في حياتنا الروحية وهو عيد القيامة من الموت الى الحياة من الخطيئة الى النعمة من العبودية الى التحرر .
اما اليوم فالمناسبة بتقضي انو مع تركيزنا على هالمعاني وعدم نسيانا ياها انو نهتم بالمناسبة يلي جمعتنا اليوم وهي وان كانت حزينة بشكل عام لانو حصل اشكالات ادت لاستشهاد عدد من الشباب منعزي اهلهم ومنتمنى رحمة الله تحل عليهم والشفاء العاجل للجرحى جرحى الجسد وجرحى النفوس والقلوب.
اما بعد، لا شك انو يلي جرى الاحد الماضي انطلق من مطلب شعبي اجتماعي بيرغب فيه كل الناس وهو اهتمام السلطة بحالة الناس يلي دخلت مرحلة الحاجة، والانكسار تحت وطأة الضيقة ، والتنقل الطبيعي، ودخلت خاصة تحت ظلم الاهمال المقصود او غير المقصود .
"والمؤسف بالامر انو وصل للمطرح يلي ما هوي كان بيريد انو يوصل الو. وحمل معاني سياسية لا بل حزبية وربما طائفية وكأنوا الغاية من هالتحميل الوصول من بعد يلي صار الى امر آخر مخبأ في نفس يعقوب. والناس غافلين عن كل مخطط شرير عم يتحضر للوطن وللمواطنين".
"بناء عليه نحن اجتمعنا هالاحد امام مذبح الرب بكنيسة مار مخايل يلي صارت رمز من رموز الوحدة الوطنية يلي بترفض كل اشكال الانقسام العشوائي يلي غايتو شحن النفوس على العداوة وعدم قبول الآخرين يلي بختلفوا عنهم ان كان بالدين او بالطائفة او بالعادات والتقاليد او بالثقافة ، وكأنو الغاية هي القول للرأي العام المحلي وللرأي العام العالمي وللاعلام المراقب وللاعداء المتربصين وللغرباء الطامعين انو ابناء هالوطن المؤلف من جماعات عديدة غير قادرين انهم يشكلوا وطن واحد وعاجزين عن ادارة الدولة يلي بترعى شؤون المواطنين جميعا وكأنو لبنان دولة اصطناعية وضع بارادة غير ارادة ابناؤو".
"بريد قول وحدة من اهداف هذا الاجتماع المقدس يلي هو ذبيحة شكر المملوء بروح الصلاة والتأمل انو نبين خلال هالوحدة قدرتنا على امكانية العيش معا، وبناء وطن مثالي قدوة للشرق والغرب للمسلمين وللمسيحيين وللديانات الاخرى، وطن، رسالة تآخي ولقاء بين جميع الديانات والمذاهب يلي بتدعي الى الخير والتسامح والرحمة والغفران والمصالحة . وطن قداسة البابا يوحنا بولس الثاني يلي سموه اكثر من وطن بالمفهوم السياسي للاوطان بل رسالة حضارية بتتعرض احيانا لاهتزازات ونكسات، ولكن الهدف يبقى بقلوب الجميع ومعظم الناس هدف واحد وهو ارادة العيش سوى، خاصة وانو معظم اللبنانيين شعروا بقلوبهم وعقولهم وسلوكهم اليومي انو ما حدن قادر يعيش وحدو او يبني وطن لحالو . هدفنا الثاني هو بنيان مجتمع لبناني اصيل بتعاطيه مع الله ومع الناس، مجتمع يكون على قياس الوطن والرسالة مش بناء اوطان صغيرة عقياس كل جماعة".
"هذا الهدف ما بكون مثل ما علمتنا الخبرة الا بتفاهمنا مع بعضنا البعض، احزاب وتيارات ومذاهب وطوائف ، نقدر نجعل من هالتفاهم القاسم المشترك لكل تحرك غايتو تحسين صورة المجتمع اللبناني في أعين العالم وخاصة في عينينا نحنا، حتى نقدر نشيل صورة الارهاب والاقتتال والتحركات المغرضة يلي خيوطها بايدين الاغراب ونبرهن للعالم انو ارادة الشعب اقوى من كل المؤامرات واصلب من جميع محاولات التفرقة والانقسام، يلي ما بتخدم الا مصالح الفريق يلي ما بريد للبنان انو يكون وطن يواكب الحضارة والحداثة مع الحفاظ على الاصالة والتراث".
"هدفنا الثالث من هالاجتماع المقدس انو نوجه رسالة للاعلام المغرض المأجور المسخر يلي بيهدف الى تشويه الحقيقة واعطاء صورة بتقول انو التآخي يلي غلب كل الانقسامات ما زال موجود، وانو خطوط التماس يلي صبغتها الحرب الطويلة بلون الدم والحداد صارت ورح تبقى خطوط لقاء بين الناس بعيشوا كل يوم هموم بعضهم بيفرحوا مع الفرحين وبيحزنوا مع الحزنانين وبيتبادلوا الزيارات واللقاءات بجميع المناسبات الوطنية والروحية والاجتماعية".
"فلو اراد الاعلام انو يسخر نشاطو للسلام وركز على الصورة الحقيقية يلي ما بتخوف الا يلي بريد انو يخلق زياح سودا بين الاحياء وبين القلوب وبين العقول وكانو هدف الاعلام المغرض هو القول: انو لبنان من بعد اكثر من 30 سنة ما تقدم ولا خطوة وكأنو النفوس بعدها مشحونة بكل مسببات الحرب الاهلية او انو النفوس ما زالت على استعداد حتى تشعل حرب الآخرين على ارض لبنان".
"ختاما بقول انو صاحب السيادة المطران بولس مطر راعي الابرشية يلي موجود اليوم خارج البلاد ببارك هاللقاء وبصلي معنا من اجل التفاهم والسلام وهو اكد على انو مار مخايل مش رح يهاجر من البلد مثل ما تصور بالاعلام ولو على سبيل النكتة لا بل يؤكد انو كل ما خلق شيطان الله بيبعت لو مار مخايل حتى تبقى الدني مندارة بالعناية الالهية وانو اذا رغب الناس بعيش المحبة والتآخي فابواب الجحيم لن تقوى عليهم. واثباتا لكلامنا هذا منقول انو خلال الصوم وكل يوم جمعة مساء الساعة السابعة رح نصلي هون بالكنيسة صلاة الصوم والوعظ وزياح الصليب على نية السلام واستمرار روح التفاهم والمحبة بين اللبنانيين عامة وبين ابناء المنطقة خاصة".
